Рэклама

Папярэдні запіс | Наступны запіс

Сэкс у літаратуры

  • 08 Ліс 2009 at 7:16 PM
me
Чытаю “Невысносную лёгкасьці быцьця” Мілана Кундэры і думаю пра тое, што лягчэй напісаць сучасную пасьпяховую кнігу, калі ты пазбаўлены ўнутраных бар’ераў датычна сэкса. Узгадаем, напрыклад “100 год адзіноты”. Кніга вакол інцэсту, інцэсту і інцэсту. Сумняюся, што вечная адзінота сям’і Буэндыа так бы запаліла бяз гэтага партнэрства. У “Імя Ружы” Умбэрта Эка – манахі – геі. А ў “Папулярнай музыцы зь Вітулы” Мікаэля Ніэмі – падлеткавы сэкс. Хаця, вядома, гэта не адзіная разынка. Кнігі агулам класныя.

Мне падаеццца, што мужчыны пісьменьнікі па змоўчаньні больш разьняволеныя і адкрытыя датычна таго, каб пісаць пра сэкс ва ўсіх праявах. Напішы пра сэкс глыбокадумна – і вось яна кніга, па якой вар’яцеюць сучасьнікі. Добрая проза з сэксам тут і там заўжды цікавая. Хаця, вядома, калі яе будуць хваліць, пра сэкс узгадаюць у апошнюю чаргу. Пахваляць разумныя думкі аўтара, стыль і ўсё такое. Крытык ня скажа: “Я пачытаў і ўзбудзіўся - пачытайце і вы”. Але сэкс і незвычаны сэкс – ушки на макушке ў чытача.

Хтосьці разьняволены. Хтосьці ўмее пісаць. А хтосьці разьняволены і ўмее пісаць.
Айрыс Мёрдак ў раманах часта ўзгадвае гомасэксуальныя стасункі. Букер за “Мора, мора”. Але мужчынская, як у Маркеса, разьняволенасьць ёй усё адно не ўласьцівая. У Вірджыніі Вульф самы востры момант “Місіс Дэлаўэй” - успамін гераіні пра тое, як яе цалуе сяброўка. Усё.
Гэта жаночы падыход. (Эмануэль Арсан не ўзгадваю, бо гэта іншага кшталту літаратура).
Зь іншага боку – самая выкшталцоная пачуцьцёвасьць – у нявыказаным да канца, у тым нават, што хацеў і ня спраўдзіў, але расказаў, як хацеў.

Чытала некалі параду кагосьці зь вялікіх, што калі хочаш быць пісьменьнікам, нельга мець настаўніцкі досьвед. Мяркую, што ў гэтай парадзе прыхаваная тая самая думка. Напэўна, настаўніку цяжэй быць разьняволеным.

Некалі мая аднагрупніца ўбачыла ў лазьні нашу загадчыцу катэдрай. Гэта было вельмі сьмешнае здарэньне.

Ну, і зноў хвілінка навязьлівай рэклямы, раз ўжо такі выпадак. Калі вы не чыталі мой пераклад Данііла Хармса, дык вось жа ён . Здагадваецеся пра што?
  • Mood:working
  • Music:Paolo Meneguzzi-Vai Via

Tags:

Comments

( 29 камэнтароў — Пракамэнтаваць )
[info]andorac wrote:
08 Ліс 2009 17:55 (UTC)
Балахонаў з табой не пагодзіцца :)

Колькі таго сэксу ў Вітуле было? там жа халодна - не да сэксу :)
| Адказаць | Галіна
[info]anka_upala wrote:
08 Ліс 2009 18:00 (UTC)
Нармальная вытрыманая доза сэксу ў "Вітуле".

Балахон - унікальны і сваеасаблівы аўтар. Я так пра яго думаю, і, мяркую, ён гэта ведае)

З чым заўгодна можна не пагаджацца і пагаджацца. У гэтым - людзі. Нічога страшнага.
| Адказаць | Бацькоўскі | Галіна
[info]sjava_87 wrote:
08 Ліс 2009 18:32 (UTC)
Мне здаецца, што сэкс не галоўнае для найноўшае літаратуры. Гэта проста нейкі вычварэнскі сінтыменталізм. Маўляў проста людзям не хапае вострых пачуццяў...Ды што літаратура, тэлебачанне нават арыентуецца толькі вакол сэксу.
| Адказаць | Галіна
[info]anka_upala wrote:
08 Ліс 2009 18:36 (UTC)
Дзесьці тут напісана, што гэта галоўнае?)
| Адказаць | Бацькоўскі | Галіна
[info]sjava_87 wrote:
08 Ліс 2009 18:48 (UTC)
Ну там напісана, што гэта адно з асноўных каб напісаць кнігу :"напісаць сучасную пасьпяховую кнігу, калі ты пазбаўлены ўнутраных бар’ераў датычна сэкса."Ці я не так вас пані зразумеў...
| Адказаць | Бацькоўскі | Галіна
[info]balachon wrote:
08 Ліс 2009 19:02 (UTC)
нешта я не бачыў у Маркеса інцэстаў.
| Адказаць | Галіна
[info]anka_upala wrote:
09 Ліс 2009 18:42 (UTC)
Маркес цябе засароміўся і вырашыў іх не паказваць :D
| Адказаць | Бацькоўскі | Галіна
[info]oldmah wrote:
08 Ліс 2009 19:56 (UTC)
Трэба быць базбаўленым унутраных бар'ераў датычна ўсяго, а ня толькі сэксу. Альбо умець таленавіта па-мастацку апісаць гэтыя бар'еры.

У "Невыноснай лёгкасьці быцьця", асабіста для мяне, сэксу й пачуцьцяў зашмат. Часам здавалася, што чытаю не сучасны раман, а штосьці з 19 ст.
| Адказаць | Галіна
[info]anka_upala wrote:
08 Ліс 2009 20:05 (UTC)
Мне таксама пакуль ня вельмі падабаецца. Ды і "100 год..." перачытваць наўрадці буду.

Асабіста я найбольш люблю "Майстара і Маргарыту". Стопіцсот разоў чытала.
| Адказаць | Бацькоўскі | Галіна
[info]oldmah wrote:
08 Ліс 2009 20:20 (UTC)
А я ніводнай кніжкі не перачытваў. Пакуль "Майстар і Маргарыта" -- адзіная, якую хочацца прачытаць зноў.

Мяне часта падкупляюць сучасныя раманы, якія маюць дэтэктыўны сюжэт ці, прынамсі, налёт дэтэктыўнасьці. І калі сэкс там ёсьць, то не зашкодзіць :)
| Адказаць | Бацькоўскі | Галіна
[info]andorac wrote:
08 Ліс 2009 20:29 (UTC)
і мне невыносная лёгкасць не пакаціла
| Адказаць | Бацькоўскі | Галіна
[info]euga wrote:
08 Ліс 2009 21:33 (UTC)
Папіярыла:

http://euga.livejournal.com/187072.html

:))
| Адказаць | Галіна
[info]anka_upala wrote:
09 Ліс 2009 18:03 (UTC)
Бачыла) Ёсьць вясёлыя камэнтары)
| Адказаць | Бацькоўскі | Галіна
[info]paul_broom wrote:
08 Ліс 2009 22:19 (UTC)
настаўнікам нельга быць пісьменьнікамі, роўна як дапусьцім журналістам. яны апэруюць штампамі й стэрэатыпамі. яно й зразумела. першыя з-за таго каб дзеткам мосх вправіць, тобок сацыялізаваць як сьлед, другім, зрэшты, па той жа прычыне, але ім яшчэ й лягчэй так накляпаў штампікаў - артыкул, ці там штось шчэ. інстытуцыі ў якіх яны працуюць так іх абумоўліваюць.
| Адказаць | Галіна
[info]anka_upala wrote:
09 Ліс 2009 18:12 (UTC)
Ня тое, каб нельга. Мяркую, складаней, чым іншым.

Думаю, што настаўніку цяжэй быць вольным у тым, што робіш, таму яшчэ, што будзе сьвярбець думка: "а што скажуць дзеці?"

Гэта як з выпадкам у лазьні. Ты робішся закладнікам шаблонаў і стэрэатыпаў ня толькі сваіх (тое, пра што ты ўжо сказаў), але і чужых "голы настаўнік - гэта сьмешна і недарэчна".
| Адказаць | Бацькоўскі | Галіна
[info]lizdejka wrote:
08 Ліс 2009 23:37 (UTC)
Калі б у "Невыноснай ..." не было сэксу, ён не спадабаўся б мне менш. Мяне наогул насцярожвае гэтае захапленне тэмай сэкса ў літаратуры апошнім часам. Чытаеш некаторыя кніжкі, і такое адчуванне, што аўтар яўна імкнецца за кошт сэксу падвысіць цікаўнасць да твору. Нейкае такое перадзёргванне адбываецца. Вельмі рэдка апісанне сэкса бывае апраўдана сюжэтам.
| Адказаць | Галіна
[info]anka_upala wrote:
09 Ліс 2009 18:38 (UTC)
Праз праблемы з інтэрнэтам ужо два разы згубіла напісаны вам камэнтар))))

Так, у мяне ўзьнікла адчуваньне, пра якое вы кажаце. Што Кундэра спекулюе на тэме.

Зрэшты мне ўсё роўна. Проста гэта прымусіла мяне задумацца пра межы сваёй разьняволенасьці і залежнасьці ад магчыма асуджальнага меркаваньня грамадства. Нават не ўсяго грамадства. Рэферэнтнай групы.
| Адказаць | Бацькоўскі | Галіна
[info]reginaz wrote:
09 Ліс 2009 08:30 (UTC)
Настаўнік не можа пісаць пра сэкс? Але чаму тады некаторыя з настаўніц паказваюць стрыптыз?
| Адказаць | Галіна
[info]anka_upala wrote:
09 Ліс 2009 08:33 (UTC)
Я ня ведаю))))
| Адказаць | Бацькоўскі | Галіна
[info]anka_upala wrote:
09 Ліс 2009 18:17 (UTC)
Адказваю на першую частку пытаньня: мяркую, што можа, але бар'ераў я яго будзе значна болей. З пункту гледжаньня грамадства настаўнік - беззаганны узор.

Дарэчы, калі я не памыляюся, парада пра настаўніка належыць Умбэрта Эка.
| Адказаць | Бацькоўскі | Галіна
[info]litvinowicz wrote:
09 Ліс 2009 08:52 (UTC)
Пра сэкс трэба не пісаць, а займацца йм.
| Адказаць | Галіна
[info]anka_upala wrote:
09 Ліс 2009 09:02 (UTC)
Цікавая і арыгінальная думка %)

Пра што яшчэ трэба не пісаць?
| Адказаць | Бацькоўскі | Галіна
[info]litvinowicz wrote:
09 Ліс 2009 09:37 (UTC)
Пра тое, што трэба пісаць пра сэкс?
| Адказаць | Бацькоўскі | Галіна
[info]kirilllka wrote:
09 Ліс 2009 09:57 (UTC)
пра ежу трэба не пісаць, а жраць яе
| Адказаць | Бацькоўскі | Галіна
[info]anka_upala wrote:
09 Ліс 2009 10:03 (UTC)
*Са строгім выразам твару*
ггг
| Адказаць | Бацькоўскі | Галіна
[info]litvinowicz wrote:
10 Ліс 2009 11:21 (UTC)
З вашымі кіляграмамі вам можа лепей пісаць?
| Галіна замарожаная | Бацькоўскі | Галіна
[info]kirilllka wrote:
10 Ліс 2009 11:23 (UTC)
прямо в точку
| Галіна замарожаная | Бацькоўскі | Галіна
[info]nebezonders wrote:
09 Ліс 2009 15:40 (UTC)
пиво только членам профсоюза
очевидно, что сегодня говорить и писать о сексе важно.это ж излюбленная тема -девиации!
Признаюсь,порой этих сцен мне даже не хватает для полного погружения в твор.более того, французы очень это изящно подают. в слегка пошловатых элементарных частицах Уэльбека каждая страница просто пахнет сексом. он исследует феномен, эксперементирует.
Кстати,мой приятель на 1 курсе исследование проводил:социология секса.
| Адказаць | Галіна
( 29 камэнтароў — Пракамэнтаваць )